- Dette arrangement har allerede funnet sted.
Seminar om utvandringa til Amerika
15 mars @ 10:00 am - 4:00 pm
500
Nordfjord Sogelag og Nordfjord Folkemuseum arrangerer seminar
I år, 2025, er det 200 år sidan den første organiserte utvandringa frå Noreg til Amerika tok til. 4. juli 1825 drog båten «Restauration» frå Stavanger med 52 personar om bord. Dermed var startskotet løyst for det som vart ei storstila utvandring til Amerika.
Dette vil bli markert med ei lang rad arrangement rundt om både i Noreg og Amerika. Jubileet har fått namnet Crossings 200, og ved å google namnet vil de finne mykje informasjon om jubileet. Også i Nordfjord vil utvandrarjubileet bli markert på ulike måtar. På heimesida til Nordfjord Sogelag, vil vi i tida framover legge ut informasjon om det som kjem til å skje i Nordfjord.
Første arrangementet blir eit utvandringsseminar på Nordfjord Folkemuseum på Sandane. Arrangørane har sett saman ein variert og spennande meny, og føredragshaldarane har stor kunnskap om temaet utvandring. Under finn de informasjon, med høve til påmelding.
Mot vest
Seminar om utvandringa til Amerika
på Nordfjord Folkemuseum, Sandane
laurdag 15. mars kl 10.00 – 16.00
Føredragshaldarar:
· Terje Mikael Hasle Joranger, fag og forskingsdirektør ved Norsk utvandrermuseum
· Lena Eikeland Kutschera, avd.leiar Vestnorsk Utvandringssenter
· Sallie Anna Steiner Pisera, museumsleiar Sunnfjord Museum
· Knut Djupedal, tidlegare direktør ved Norsk utvandrermuseum
· Rasmus Sunde, tidlegare 1. amanuensis ved Høgskulen i Sogn og Fjordane
Påmeldingsfrist 1. mars.
Meld frå til: Bjarne Kaarstad e-post: bjakaar@gmail.com eller telefon 917 18 957
Deltakaravgift kr 500,-inkludert lunsj. Betaling ved frammøte, vipps eller kontantar.
Vel møtt!